Wenn's herbschtälet

Wenn d'Schätte lenger wärde
U d'Natur mit eme Farbebouquet sich verabschiedet
Wenn d'Gärte sich langsam lääre
U d'Öpfu abgläse si
Wenn d'Chüe no s'letschte Gras dörfe mampfe
U z'Piuzchörbli meischtens vou zrügg chunnt
De isch äs Herbscht worde
Wenn's denn nach Öpfuchüechli uf em Märitplatz schmöckt
U dr Lisäbeth iri Chränz orangsch wärde
Wenn eini äs Süppli serviert
U dr Hans sy letscht warm Hamme isst
Denn isch äs Ändi Oktober
Denn wärde Tische z'letscht mau dänne grumt
U dr Löieplatz geit zäme mit em Märit i Winterschlaf

, , ,
Latest Posts from

1 Comment

  1. Sehr äs schöns Herbschtgedicht. Me erläbt bim läse grad nomsl d Stimmig vom Oktobermärit. U zäme mit de Fotos isches ä poetische Bluemestruss. Mercy
    Brigitta

Leave a Reply

Your email address will not be published. Required fields are marked *